-ਡਾ ਅਮਰਜੀਤ ਟਾਂਡਾ
ਗੀਤਾਂ ਲਈ ਹਰਫ਼ ਲੱਭਣ ਗਿਆ
ਚੁਰਾਹਿਆਂ ਚ ਅੱਖਰ ਸੜ ਰਹੇ ਸਨ
ਸ਼ਹਿਰ ਵੱਲ ਸੁਪਨੇ ਲੈ ਕੇ ਟੁਰਿਆ
ਰਾਹਾਂ ਵਿਚ ਘਰ ਜਲ ਰਹੇ ਸਨ
ਮਨ ਨੂੰ ਪਿਆਸ ਲੱਗੀ ਤਰਨ ਦੀ
ਝਨਾਂ੍ਹ ਚ ਘੜ੍ਹੇ ਖ਼ਰ ਰਹੇ ਸਨ
ਅਦਾਲਤ ਚ ਨਿਆਂ ਭਾਲਣ ਰੁਕਿਆ
ਫੈਸਲਿਆ ਤੋਂ ਲੋਕ ਡਰ ਰਹੇ ਸਨ
ਮਨ ਵਿਚ ਰੀਝ ਆਈ ਬੰਸਰੀ ਦੀ
ਜੰਗਲ ਵਿਚ ਰੁੱਖ ਬਲ ਰਹੇ ਸਨ
ਮੰਦਿਰ ਚ ਰਾਮ ਨੂੰ ਚਾਹਿਆ ਮਿਲਾਂ
ਪੌੜੀਆਂ ਤੇ ਫੁੱਲ ਸੜ੍ਹ ਰਹੇ ਸਨ
ਇਨਸਾਨਾਂ ਨੂੰ ਟੋਲਿਆ ਦਿਲਾਂ ਚੋਂ
ਇਨਸਾਨੀਅਤ ਬਿਨ ਲੋਕ ਮਰ ਰਹੇ ਸਨ
No comments:
Post a Comment