ਬੇ-ਵੱਸ ਮਾਪੇ

-ਤਰਲੋਚਨ ਸਿੰਘ 'ਦੁਪਾਲ ਪੁਰ'

ਗਹਿਣਾ ਗੁਣਾ ਦਾ ਪਰਖਣਾ ਛੱਡਿਆ ਏ
ਚਮੜੀ ਦੇਖ ਕੇ ਚਿੱਤ ਡੁਲਾਈ ਜਾਂਦੇ ।
ਕੱਖੋਂ ਹੌਲੇ ਕਰ ਆਪਣੇ ਮਾਪਿਆਂ ਨੂੰ
ਕੋਰਟ-ਮੈਰਿਜਾਂ ਕਿਤੇ ਕਰਵਾਈ ਜਾਂਦੇ ।
ਘੱਟੇ ਰੋਲ ਪਾਕੀਜ਼ਗੀ ਰਿਸ਼ਤਿਆਂ ਦੀ
ਅੰਨ੍ਹੇ ਕਾਮ ਦੀ ਹਿੰਡ੍ਹ ਪੁਗਾਈ ਜਾਂਦੇ ।
ਵਿਰਸਾ ਭੁੱਲਿਆ ਵਿੱਸਰੀ ਖਾਨਦਾਨੀ
ਭਾਈਚਾਰੇ ਵਿੱਚ ਖੇਹ ਉਡਾਈ ਜਾਂਦੇ ।
ਮਾਪੇ ਝੂਰਦੇ ਹੋਏ ਲਾਚਾਰ ਬੈਠੇ
ਨਵੇਂ ਪੋਚ ਨੂੰ ਲਾਹਣਤਾਂ ਪਾਈ ਜਾਂਦੇ ।
ਢਿੱਡੋਂ ਜਾਇਆਂ ਦੇ ਦੇਖ ਕੇ ਕਾਰਨਾਮੇ
ਸਜ਼ਾ ਭੁਗਤਦੇ ਹੰਝੂ ਵਗਾਈ ਜਾਂਦੇ ।


001-408-915-1268